Пелистер е апсолутен фаворит на дуелот против Беласица, со кој ќе ја заврши полусезоната во која беше најдобар домаќин во Првата лига. Битолчани веќе двапати славеа против „фенерџијата“ од Струмица, а и не прими гол и при двете победи.
Младиот голман Филип Трајчевски ќе добие шанса од првата минута, а верува дека тој и соиграчите со победа ќе го завршат успешниот шампионат.
„Без разлика каде се наоѓа Беласица на табелата, ни следи добар натпревар. Треба да одиграме како што игравме оваа полусезона, прво за нас, па за „Чкембарите“ и очекуваме победа. Растерените сме, тоа што е наше треба да го одиграме и да освоиме три бода“, вели младиот голман.
И на претходните натпревари Трајчевски добиваше шанса на местото на Талевски и одговараше со позитивни партии.
